Шестмина Авганистанци загинаа, а 128 се повредени во синоќешниот самоубиствен напад со автомобил-бомба извршен врз Германскиот конзулат во Мазар и Шариф, главниот град на авганистанската провинција Балх, соопшти полицијата.
Бомбаш-самоубиец со камион наполнет со експлозив удри во оградата на Германскиот конзулат, што се наоѓа во центарот на градот. Силната експлозија предизвика материјална штета и на околните згради, а пред Конзулатот е создал огромен кратер.
Портпаролот на германското Министерство за надворешни работи изјави дека 24 лица од персоналот на Конзулатот се безбедни и оти никој не настрадал во нападот.
Одговорност за нападот ја презедоа талибанците, наведувајќи дека тоа е одмазда за 30 убиени цивили во американскитте воздушни напади во Кундуз пред неколку дена.