Делегацијата на Северна Кореја доби дозвола од Комитетот на Советот за безбедност на ОН да отпатува на отворањето на Зимските олимписки игри во Јужна Кореја.
Севернокорејскиот функционер Чое Хуи е под санкции на ОН, а е во состав на делегацијата, па потребно беше одобрување. Комитетот привремено го исклучи Чое од списокот на лица под санкции.
Севернокорејската делегација се очекува да пристигне денеска и да остане во Јужна Кореја до недела.