Северна Кореја потврди дека испратила војници во Русија

Од:

Централната воена комисија на Работничката партија на Северна Кореја го потврди учеството на единици на севернокорејската армија на страната на Русија, а против украинските одбранбени сили во Курскиот регион, објави севернокорејската новинска агенција KCNA.

Агенцијата наведува дека севернокорејските сили дале значаен придонес во ослободувањето на Курската област од украинските трупи.

Се забележува дека севернокорејскиот воен персонал бил испратен да учествува во борбите во Курската област врз основа на договор за меѓусебна одбрана потпишан од Москва и Пјонгјанг во јуни минатата година, објави Укринформ.

Централната воена комисија тврди дека севернокорејската армија учествувала во борбите само во рамките на Русија, што, како што наведува, е „целосно во согласност со одредбите од Повелбата на Обединетите нации 51 и други меѓународни договори“.

Се наведува дека наскоро во Пјонгјанг ќе биде подигнат споменик во чест на подвизите на севернокорејските војници на руска територија.

Би можело да ве интересира

Враќање во Студената војна: Русија распоредува ракети со краток и среден дострел

(ВИДЕО) Украина: Уништивме еден борбен руски авион Су-30 и оштетивме уште четири авиони

Горан Наумовски

Русија премести најмалку четири тешки нуклеарни бомбардери Ту-95МС поблиску до Европа

Горан Наумовски

Медиуми: Зеленски се подготвува да си замине од функцијата

Руски напад врз Запорожје, има мртви и повредени

Орбан предвиде кога ќе заврши војната во Украина