Ариел Цукерберг, сестраната на основачот на „Фејсбук“ Марк Цукерберг ќе работи во конкурентската компанија „Гугл“ и многу е горда на себе си за тоа.
Веста за своето вработување таа ја откри на својот профил на „Фејсбук“.
„Јас сум во Израел и само што дознав дека сум примена на работа во „Гугл“. Јас нема да лажам, чудно е чувствотото, но горда сум на себе си што успеав да бидам дел од тимот ,Wildfire’ “, напиша една од трите помлади сестри на Марк.
Во описот на работното место Менаџер, што го доби Ариел, се вбројуваат промоциите и подршката на интернет на познати светски групи и бендови, како што е на пример „Cirque du Soleil“. Компанијата „Wildfire“ од неодамна работи во склоп на „Гугл“.
Една од сестрите на Ариел и Марк, Ренди Цукерберг и честиташе за новото работно место на својата сестра, коментираќи дека повеќе членови на семејството Цукерберг работат за „Гугл“ отколку за „Фејсбук“. Што сакала да каже, само таа си знае.