Синот на убиениот либиски диктатор Моамер Гадафи – Сеиф ал Ислам, изјави дека сака да биде суден во Холандија за претпоставените воени злосторства, бидејќи судскиот процес против него во Либија ќе бил еднаков на убиство, соопштија американските медиуми.
Во изјавата, која неговите адвикати синоќа ја предадоа во Меѓународниот кривичен суд во Хаг, Сеиф ал Ислам кажува: „Сигурно нема да има праведност во случајот, доколку обвинението се темели на докази од мачења“.
-Не стравувам да умрам, но ако ме екзекутирате по таков процес, треба едноставно тоа да го наречете убиство, посочи тој.
Судот во Хаг и либиската влада преговараат за тоа каде да се води процесот против Сеиф ал Ислам за претпоставени воени злосторства за време на соборувањето од власта на режимот на неговиот татко.
Сеиф ал Ислам е притворен во западна Либија.