Европската комисија предложи седум нови земји меѓу кои Саудиска Арабија да се стават на црната листа на ЕУ со држави што не се борат доволно со перење пари и финансирање тероризам.
За усвојување на листата, 28 членки на Европската унија имаат еден до два месеца.
Од листата е симната БиХ како и Гвајана, Уганда и Вануату.
Освен Ријад на листата се додадени Панама, Нигерија и четири американски територии – Американска Самоа, Американски Девствени Острови, Порторико и Гуам.
На листата се и Либија, Боцвана, Гана, Самоа, Бахами, Авганистан, Северна Кореја, Етиопија, Иран, Ирак, Пакистан, Шри Ланка, Сирија, Тринидад и Тобаго, Тунис и Јемен.