Поранешниот вицепремиер Артан Груби преку објава на социјалните мрежи демантира дека избегал од земјава. Како што синоќа објави на социјалните мрежи, патувал надвор од Македонија во приватна посета.
Преку објава на Фејсбук, екс-функционерот на ДУИ побара од јавноста да не изнесуваат шпекулации.
-Редовно патував со моите патни исправи и за ова е известено и моето лично полициско обезбедување. Веднаш штом ги завршам обврските, ќе се вратам дома кај моето семејство, стои во објавата на Груби.
Вчера беше објавено дека Груби ја напуштил државава и заминал на Косово. Артан Груби заедно со судијата Енвер Беџети беа ставени на американската црна листа по што Груби објави дека се повлекува од политичкиот живот, а најави и дека ќе ја обжали одлуката.
