Полицијата во унгарскиот град Мако во близина на границата со Србија и Романија, започна масовна потрага по седум деца со презимето Бузас, кои исчезнаа на 7 март.
Првично беа пријавени пет браќа и сестри за исчезнати. Најмалото дете има две години, додека најстарото има 11 години.
Во првата „рунда“ пребарувања, четири деца беа пријавени како исчезнати: Абел Бузас (2), Кевин Адам (7), Доминик (8) и Анита Рубин (9).
Списокот подоцна беше проширен за да вклучи уште три деца – тригодишната Лилиен Бузас, осумгодишниот Ѓерѓ Бузас и десетгодишната Амира Џесика Бузас.
На списокот на исчезнати лица наскоро беше додадена и 39-годишна жена по име Ержебет Анита Пап, која најверојатно е поврзана со исчезнувањето на децата.
Полициски извори велат дека постои можност жената да ги зела децата или дека тие избегале заедно и дека во моментов можеби се движат во иста група.
– Децата можеби исчезнале од своите домови или од згрижувачки родители. Иако не е сосема јасно каква е нивната врска со возрасната жена, индициите укажуваат дека таа можеби ги организирала и ги однела – изјави пензионираниот полициски мајор Атила Молнар, поранешен истражител на целната потрага.
Полицијата предупредува дека голема група деца и возрасни не можат да патуваат незабележано со јавен превоз и се верува дека сè уште се кријат во истата област.
Брзата акција е клучна, бидејќи станува збор за многу мали деца кои се ранливи.
Граѓаните кои ги препознаваат децата или жената или имаат какви било информации за нивното местоположба можат лично да се пријават во полициската станица Мако (адреса: Čanad vezir tér 13.), да се јават на +36(62) 511-260 или анонимно на „Телефонска линија за сведоци“ број 06-80-555-111.