Евроскептичната група во Европскиот Парламент, во која беше и британската Партија на независност на Обединетото Кралство (УКИП), се распадна, откако еден европратеник од Летонија, одлучи да се повлече од неа.
Групата во која членуваше и италијанското Движење Пет Ѕвезди, имаше 48 членови, но повлекувањето на летонскиот европратеник довед до нејзина распад, затоа што во неа веќе нема членови од седум земји на ЕУ, па таа не може да дејствува во Парламентот во Стразбур како посебна група.
Распадот на групата, претствува удар за евроскептичното движење и посебно за британскиот УКИП, бидејќи да се биде дел од една парламентарна група, значи можност за поголемо користење на европските фондови, за финансирање на партиските активности, за членување во разните комитети во Парламентот, како и можност за дискусија во неговата работа.