Соединетите Американски Држави, заедно со Египет и Катар, посредуваат во постигнување конечен договор „земи или остави“ меѓу Израел и Хамас што ќе им биде претставен на конфликтните страни во наредните недели, објавија денеска американските медиуми.
„Вашингтон пост“ ја пренесува оценката на неименуван висок функционер на американската администрација дека доколку двете страни не го прифатат овој обид за постигнување договор, тоа може да значи дека преговарачкиот процес што го водат САД е завршен.
Официјални лица во администрацијата на американскиот претседател Џозеф Бајден изјавија дека не е веднаш јасно дали најновото откритие на безживотните тела на шесте заложници ќе ја направи повеќе или помалку веројатно Израел и Хамас да постигнат договор во наредните недели.