Десет згради на Агенцијата на Обединетите нации за помош и работа за палестинските бегалци (UNRWA), вклучувајќи седум училишта и две болници кои моментално се користат како засолништа за илјадници раселени бегалци, беа погодени во последните воздушни напади врз Газа.
– Бевме принудени да ја прекинеме здравствената заштита во Бич Камп, единствениот здравствен објект достапен северно од Појасот Газа. Нашите витални услуги за вода и санитација сега се само со половина капацитет, изјави директорот на UNRWA, Филипе Лазарини.
Тој рече дека ниту едно место во Газа не е безбедно и дека израелските воздушни напади на север од енклавата и градот Газа продолжуваат.
Тој додаде дека вкупно 11.000 вработени на UNRWA продолжуваат да обезбедуваат услуги во други делови од енклавата.
„Тие се посветени на служење на своите заедници и покрај сите пречки, додека живеат во најнехумани околности. Нивната решителност и покрај најнехуманите околности е инспирација. Уште колку време ќе помине пред да се преземат мерки за постигнување прекин на огнот?“, напиша Лазарини.