Советот за безбедност на ОН го продолжи за една година, до 31 август 2014, мандатот на Времените сили на ОН во Либан (УНИФИЛ).
Во резолуцијата, која вчера едногласно беше прифатена, 15-те земји членки на Советот за безбедност ја изразија „решителната поддршка кон територијалниот интегритет и политичката независност“ на оваа блискоисточна земја.
Во документот се нагласува важноста од прекин на воените дејствија во јужниот дел на Либан и недозволувањето за нарушување на т.н. „сина линија“, која го одвојува од Израел.