Советот за безбедност на Обединетите нации го осуди нападот на талибанците врз судот во Фарах, при што загинаа 46 луѓе.
Во декларацијата се истакнува дека извршителите треба да бидат изведени пред суд, како и организаторите и финансиските поддржувачи на терористичките акти. СБ апелира до сите земји-членки на ОН активно да соработуваат со авганистанските власти за таа цел.
– Ниту една терористичка појава не може да го спречи Авганистан да напредува на патот кон мирот, демократијата и стабилноста, се посочува во декларацијата на СБ.
Нападот врз судот во Фарах беше изведен во средата со цел да се ослободат осомничени бунтовници, при што загина 46 луѓе, а беа повредени околу сто. Нападот траел седум часа и е најкрвав во Авганистан од 6 декември 2011 година.