Де факто владетелот на Саудиска Арабија, престолонаследникот Мохамед Бин Салман телефонски разговараше со палестинскиот претседател Махмуд Абас.
Бин Салман рече дека неговата земја ќе продолжи „да стои покрај палестинскиот народ за да ги оствари своите легитимни права за пристоен живот, да ги оствари своите надежи и аспирации и да постигне праведен и траен мир“, објави официјалната саудиска агенција за печат.
Тој, исто така, му порача на Абас да работи со сите меѓународни и регионални страни за да се спречи ширењето на конфликтот.
Абас и Хамас се политички ривали. Хамас го контролира Појасот Газа, а Абас го предводи движењето Фатах што го контролира Западниот Брег. Тој е и шеф на Палестинската ослободителна организација (ПЛО).
Но, поддршката на Саудиска Арабија за Палестинците е значајна бидејќи доаѓа во контекст на тековните трилатерални разговори меѓу Израел, Саудиска Арабија и САД за нормализирање на односите меѓу Ријад и Тел Авив.