Одлуката на саудискиот крал Салман на граѓаните да им подари 32 милијарди долари е дел од негов лукав план, пишуваат американските медиуми.
Според наводите на „Њујорк тајмс“ тој потполно пресметал како да го придобие народот.
Имено, Салман е целосно незаинтересиран за спроведување на какви било политички реформи, кои граѓаните ги очекуваа по смртта на неговиот полубрат, кралот Абдулах, па наместо кон тежнеење на општествени промени, тој е ориентиран кон строгите религиски начела, поради што наклоноста на народот мора да ја обезбеди со потплаќање.
Се шпекулира и дека со споменатиот чин кралот сака воедно да ги спречи младите да се приклонуваат кон екстремистичката организација Исламска држава, која со невидени размери го шири своето влијание во соседна Саудиска Арабија.
-Поголем дел од населението, на директен или индиректен начин зависи од владините субвенции, но еден ден ќе исчезне нафтата, па сметам дека не е добро на народот да му се даваат вакви подароци- смета Абдулах ал Алами, саудиски писател и економист.
Е. Г.