Генералниот директорот на Директоратот за проширување на ЕК, Стефано Санино денеска изјави дека заклучоците на Советот на министри на ЕУ, значат дека Скопје е поблиску до Брисел, бидејќи имаме многу јасни временски рамки што треба да направиме од сега до јуни 2013 година и јасната перспектива, која ја има Македонија сега е напишана „црно на бело“.
– Советот на ЕУ беше многу експлицитен и јасен во однос на самите фази кои ни претстојат. Од ЕК ќе биде побарано да подготви извештај во врска со имплементација на реформите во контекст на Пристапниот дијалог на висoко ниво и за чекорите што треба да бидат преземени за подобрување на односите со вашите соседи, како и за тоа што треба да се преземе со цел постигнување заемно прифатливо решение во врска со прашањето за името, рече Санино.