Владата на САД изрази длабока загриженост поради руските воени вежби во близина на границата со Украина, соопшти американскиот Стејт департмент.
– Длабоко сме загрижени поради планот на Русија да спроведе голема воена вежба на руските оздухопловни сили во регионот, што граничи со Украина, изјави портпаролката на американското министерство за надворешни работи Џен Псаки.
Според Псаки воени вежби од таков вид претставуваат провокација и само можат да доведат до дополнително влошување на тензиите на руско-украинската граница.
Русија вчера објави дека планира воени вежби на воздухопловните сили и силите за противвоздушна одбрана на полигонот Ашулук. Полигонот Ашулук се наоѓа во југозападниот дел на Русија на околу 800 километри од руско-украинската граница.