Американското Министерство за финансии соопшти дека лицата против кои се воведени санкции биле вклучени во операциите на руската разузнавачка служба ФСБ за поткопување на украинската Влада и економија.
Лицата, од кои двајца се актуелни членови на Парламентот и двајца поранешни пратеници, „дејствуваат по инструкции на руската Федерална служба за безбедност (ФСБ)“ и се „ангажирани во влијателни активности предводени од руската Влада за дестабилизација на Украина“, соопшти Министерството за Финансии во Вашингтон.
На црната листа се поранешниот заменик-претседател на Советот за национална безбедност и одбрана на Украина, Володимир Сивкович, пратениците од Опозициската платформа – за живот (ОПЈ) Тарас Козак и Олег Волошин и поранешниот пратеник Володимир Олејник.
Извор: МИА