САД ги напаѓаат позициите на џихадистите во Ирак и во Сирија, без да се придржуваат до сопствените стандарди за заштита на цивилното население, објавија американски медиуми.
Белата куќа претходно призна дека бомбардирањата во Ирак и во Сирија се извршуваат без да се почитува целосната безбедност на цивилите.
И Пентагон во многу случаи не може да утврди дали информациите за цивилни жртви се веродостојни.
– Покажавме исклучителна внимателност во мисиите. Секако дека постои ризик при секоја воена операција и специфичен вид на ризик при воздушните операции, изјави портпаролот на Пентагон, контраадмирал Џон Карби.
Претседателот на САД, Барак Обама во мај минатата година изјави дека нема да дозволи смртоносни напади врз терористите ако не се безбедни цивилите.