Извори од американската дипломатија сметаат дека е шпекулација тоа што се зборува дека Вашингтон е одговорен за болеста на починатиот претседател на Венецуела.
-Сите знаеме дека изборните кампањи не се добри за развој на новата политика. Но и понатаму сакаме да имаме позитивен однос, имајќи во предвид дека тоа може да потрае одредено време, пред венецуелската влада да биде подготвена да разговара – изјави официјално лице од Америка.
Двајца американски воени аташеа во вторникот беа протерани од Венецуела и обвинети за обид за измама против нејзината влада.
Вашингтон е разочаран од тоа обвинение и ја разгледува можноста за преземање мерки против Каракас, изјави официјалното лице, додавајќи дека за сега се уште ништо не е одлучено.
Уго Чавез почина во вторник, во Каракас на 58 години, од рак. По 14 години владеење на Чавез, во Венецуела е отворен патот за предвремени избори, во рок од 30 дена.
Барак Обама и Чавез, голем критичар на САД и левичар се состаноа во април 2009 година, на почетокот на првиот мандат на преседателот на САД. Сликата од нивното ракување е објавена низ целиот свет.
Елена Георгиевска