Американскиот советник за национална безбедност Џејк Саливан изјави дека Бразил не добил барање за екстрадиција на поранешниот бразилски претседател Жаир Болсонаро, кој се наоѓа во САД.
Саливан, кој е дел од делегацијата на американскиот претседател Џо Бајден на самитот на северноамериканските лидери во Мексико Сити, главниот град на Мексико, одговараше на прашања на новинарите.
Саливан ја повтори американската поддршка за новиот претседател Луис Инасио Лула да Силва, и покрај насилните акции на стотици екстремно десничарски поддржувачи на поранешниот претседател Жаир Болсонаро во Бразил.
На прашањето дали Болсонаро, за кој се вели дека е на Флорида во САД, ќе биде екстрадиран во неговата земја, Саливан рече дека не може да зборува со сигурност за тоа каде се наоѓа бидејќи немале директен контакт со Болсонаро.
Саливан рече дека се уште не добиле никакво барање од бразилската влада во врска со екстрадицијата на Болсонаро.
Во врска со визниот статус на Болсонаро, Саливан рече дека би било соодветно Стејт департментот да даде изјава, а не тој.
Извор: МИА