Мажот што во петокот вечер упадна на територијата на Белата куќа во својот автомобил имал 800 куршуми, нож и две секири, соопшти синоќа федералното обвинителство во Вашингтон.
Според помошникот обвинител Дејвид Мад. 42-годишен Омар Гонзалес, кого го уапсија припадници на обезбедувањето на Белата куќа, претставувал закана за претседателот на САД.
Муницијата и ладното оружје се откриени при претрес на неговиот автомобил.
Обвинителот Мад објави дека во август Гонзалес минал во близина на Белата куќа со секира, скриена под алиштата. Тој бил запрен од полицијата, но не бил уапсен.
Судот вчера одлучи Гонзалес да остане во притвор до судењето закажано на 1 октомври годинава.