САД ќе ја забрзаат помошта за шест африкански земји, со цел да им помогнат за гарантирање на нивната безбедност и ќе помогнат на шест други за создавање сили за брза реакција за заштита на мирот во регионот, изјави американскиот претседател Барак Обама.
Кенија, Тунис, Мали, Нигерија, Нигер и Гана ќе добијат помош со новиот план на Вашингтон за подобрување на безбедноста на овие држави.
САД ќе помогнат на Гана, Етиопија, Сенегал, Танзанија, Руанда и Уганда за создавање сили за брза реакција и за зачувување на мирот на африканскиот континент. Вашингтон за таа цел ќе додели 110 милиони долари годишно во период од три до пет години.