САД испраќаат до 200 војници кои веќе се стационирани на Блискиот Исток во Израел, каде што ќе формираат цивилно-воен координативен центар, соопштија американски претставници.
Центарот ќе се користи за следење на спроведувањето на прекинот на огнот и надгледување на хуманитарната помош, а покрај американските офицери ќе вклучува и претставници од Египет, Катар и Турција. Тие ќе го следат почитувањето на договореното прекин на огнот и ќе известуваат за можни прекршувања.
Американските претставници нагласуваат дека ниеден американски војник нема да влезе во Појасот Газа. Операцијата ја води Централната команда на САД (CENTCOM), која ги надгледува воените активности на САД во регионот.
Доколку размената на заложници и затвореници биде успешно завршена, планот е да се формираат меѓународни сили за стабилизација, но тој договор сè уште не е постигнат меѓу вклучените страни.
