САД, Индија и Јапонија почнаа вчера големи военопоморски вежби во западниот дел на Тихиот Океан, во близина на јапонскиот архипелаг, кон кој претензии има и Пекинг.
Предвидено е почетокот на активната фаза на маневрите да биде во вторник и да трае до петок.
Вежбите „Малабар“ се одржуваат секоја година со учество на САД и Индија. Јапонија учествува во маневрите прв пат од 2007 година.
Островите Сенкаку, како што се познати во Јапонија, се наоѓаат во Источнокинеското Море, на околу 220 километри западно од Тајван. Кина исто така има претензии кон архипелагот, кој го нарекува Дијаоу.