Американската армија и силите на земјите-партнери извршија осум воздушни напади врз цели на групата Исламска држава (ИД) во близина на сирискиот град Кобане, соопшти синоќа Централната команда на САД.
– Централната команда на САД продолжува внимателно да ја следи ситуацијата во Кобане. Според индикациите. курдските милиции продолжуваат да контролираат поголем дел од градот и ги одвраќаат нападите на ИД, се наведува во соопштението.
Во нападите се уништени неколку цели на ИД, вклучително пет возила со монтирани оружја на нив, магацин, команден и контролен пункт, логистички објект, како и осум окупирани касарни.