САД и Кина се посветени на соработката за намалување на заканата од нуклеарен тероризам, изјавија синоќа лидерите на двете земји Барак Обама и Кси Џипинг.
Во заедничкото соопштение по состанокот на Обама и Кси се наведува дека двете држави планираат секоја година да одржуваат разговори за нуклеарната безбедност и да ја промовираат работата на меѓународните агенции.
САД и Кина ветија дека ќе работат на борбата против криумчарење на нуклеарни материјали и зајакнување на соработката за обезбедување на радиоактивните извори.
Обама и Кси разговараа на маргините на Самитот за нуклеарна безбедност на кој една од главните теми беше нуклеарната закана од Северна Кореја.