Генералниот секретар на НАТО, Марк Руте, вели дека земји како Бразил, Кина и Индија би можеле да бидат особено силно погодени од секундарни санкции ако продолжат да соработуваат со Русија, објави Ројтерс.
Руте ги даде овие забелешки за време на состанокот со сенаторите во американскиот Конгрес, само еден ден откако американскиот претседател Доналд Трамп објави испорака на ново оружје во Украина.
Во таа прилика, Трамп рече дека САД ќе воведат 100 проценти санкции врз Русија доколку не се постигне договор за прекин на огнот во војната во Украина во рок од 50 дена, и дека овие царини ќе бидат секундарни, што значи дека ќе важат и за земјите што купуваат руска нафта.
„Да бев Владимир Путин, а вие зборувавте за тоа што планирате да направите за 50 дена, како и за оваа најава, би размислил повторно дали треба да почнам да ги сфаќам преговорите за Украина посериозно отколку што правам во моментов“, рече Руте по вчерашната средба со Трамп.
