Руските воени сили пресретнаа и уништија две крстаречки ракети со долг дострел од типот Storm Shadow кои и се испорачани на Украина од Велика Британија, соопшти руското Министерство за одбрана.
Министерството објави и дека пресретнало американски ракети со краток дострел лансирани од системот ХИМАРС и ракетите ХАРМ и дека во последните 24 часа собориле 12 беспилотни летала.
Русија не прецизираше каде се случиле пресретнувањата, но ова го соопшти на дневна прес-конференција на која известува за напредокот на нејзината инвазија на Украина, која од почетокот ја нарече „специјална воена операција“.