Руски авиони стрелаа цели на групата „Исламска држава“ во сирискиот град Палмира и во северната провинција Алепо, соопшти денеска сириската државна телевизија.
Во нападите се уништени 20 автомобили и 3 магацини за оружје во заземениот од џихадистите град Палмира. Цел на нападите во Алепо биле градовите Ал Баб и Деир Хафер, на околу 20 километри источно од воениот аеродром, моментално под контрола на борци од ИД.
Според Сирискиот центар за набљудување на човековите права со седиште во Велика Британија во нападите во Палмира се убиени 15 џихадисти од ИД.
– Тоа беше најтешкиот руски напад во Палмира, изјави директорот на центарот Рами Абдул Рахман, додавајќи дека во изминатите 24 часа руски авиони нанеле најмалку 34 воздушни напади во цела Сирија.
Уште четворица борци од ИД се убиени во близина на источниот град Рака, упориште на групата во Сирија во изминатите две години.