Хуманитарното примирје, кое се почитува од утринава од страна на руската и сириската армија во градот Алепо, ќе биде продолжено за 24 часа, за да се овозможи цивилите и борците да ги напуштат опколените бунтовнички квартови на градот, соопшти рускиот министер за одбрана Сергеј Шојгу.
Согласно наредбата на врховниот командант на вооружените сили (претседателот) Владимир Путин беше донесена одлука за продолжување на т.н хуманитарна пауза за 24 часа, рече Шојгу. Во пракса тоа значи дека примирјето ќе трае до утре до 16 часот по Гринич.
Малку порано ОН објави дека Русија се согласила да го продолжи примирјето до сабота навечер.