Руската вакцина против Ковид-19 ќе чини 10 долари за две дози, најави раководителот на управниот одбор на фармацевтската компанија „Р-Фарм“, Алексеј Репик, за националната телевизија „Русија-24“.
Репик соопшти дека постои веројатност првата серија на вакцините да биде поскапа, но дека истата нема значително да се разликува од предвидената цена.
Тој истакна дека цената на вакцината ќе биде пониска кога производството ќе ги достигне планираните индустриски количини.
Од руската фармацевтска компанија велат дека се задоволни од интересот кои го пројавиле граѓаните за да ја примат вакцината против Ковид-19.
Тие, исто така очекуваат вакцината да биде извезувана од Русија во што е можно повеќе земји ширум светот со цел да се стави крај на смртоносниот вирус.