Руското Министерство за надворешни работи соопшти дека нуклеарната централа Запорожје ќе работи под надзор на руските агенции, откако Русија тврдеше дека официјално го анектирала поширокиот регион Запорожје, пренесе државната новинска агенција РИА.
Рускиот претседател Владимир Путин денеска ги потпиша законите со кои четирите украински региони Доњецк, Луганск, Херсон и Запорожје се приклучуваат на Русија.
Како што пренесуваат странските агенции, овој потег на претседателот на Русија ја финализира анексијата извршена спротивно на меѓународното право.