Бајден и дозволи на Украина ограничено користење американско оружје за напади во Русија

Од:

Администрацијата на американскиот претседател Џо Бајден тивко ѝ даде дозвола на Украина да изврши напад во Русија, исклучиво во близина на регионот Харков, користејќи оружје обезбедено од САД, изјавија денеска американски функционер и уште две лица кои знаеле за ова прашање, објави Политико.

Според бриселскиот портал, тоа е голем пресврт што ќе и помогне на Украина подобро да го одбрани вториот по големина град.

– Претседателот неодамна издаде инструкции до својот тим да се осигура дека Украина може да користи американско оружје за возвратен оган во Харков, за да може Украина да возврати на руските сили кои ги напаѓаат или се подготвуваат да ги нападнат – потврди американскиот функционер, додавајќи дека политиката која дозволува далечни удари во Русија не е променета – наведува Политико.

Рускиот претседател Владимир Путин предупреди на закана од глобален конфликт доколку западните сојузници на Киев и дозволат на Украина да го користи оружјето што го испорача за напад во Русија, објави Ројтерс.

САД изјавија дека не поттикнуваат и не овозможуваат употреба на американско оружје за директни напади врз Русија, но американскиот државен секретар Ентони Блинкен, запрашан за моменталната позиција на Вашингтон по ова прашање, вчера рече дека ќе се „прилагоди“.

Би можело да ве интересира

Републиканците бараат оставка на Бајден: Тој не е способен да ја извршува функцијата претседател

Горан Наумовски

Бајден ја поддржа Камала Харис како кандидат на Демократите

Горан Наумовски

Бајден се откажа од претседателската трка

Горан Наумовски

(ВИДЕО) Трамп ја прифати републиканската номинација: „Бајден ќе почне трета светска војна“

Катерина Ѓуровски

Бајден има корона

Првото истражување на јавното мислење по обидот за атентат: Трамп во водство пред Бајден