Припадници на руските единици за радиолошка, хемиска и биолошка заштита во Ленинградската област тестираа ласер за неутрализирање дронови, соопшти прес-службата на Росгвардија.
Тестирани се техничките карактеристики и борбените можности на ласерот за уништување беспилотни летала од различни модели при нивно маневрирање на различни далечини, брзини и височини, пренесе агенцијата РИА Новости.
Од Росгвардија наведоа дека врз основа на резултатите од тестирањето ќе бидат дадени препораки за унапредување на методите и начините на примена на овој систем.
Во текот на руско-украинскиот конфликт, кој трае од 2022 година, беспилотните летала станаа едно од главните тактички и стратешки средства и значително го променија начинот на изведување на борбените дејствија.
