Благодарејќи на принципиелниот став на Русија кон Донбас, спречено е повторување на балканското сценарио од 1999 година, изјави Франц Клинцевич, заменик шеф на пратеничката група на „Единствена Русија“.
– Ситуацијата можеше да биде многу полоша отколку на Балканот. Русија и нејзиниот принципиелен став го спречија повторувањето на сценариото од 1999 година, кога силите на НАТО влегоа во Југославија без мандат од ОН, истакна Клинцевич, кој е член на Комитетот за одбрана на руската Дума.
Тој реагираше како одговор на изјавата на високата претставничка на ЕУ за надворешна политика и безбедност Федерика Могерини дека ситуацијата во Украина е најлошата криза во Европа од Балканските војни.
– Нападите на НАТО во Украина би можеле да ја доведат меѓународната заедница до голема војна, смета Клинцевич.