Русија ќе стави вето на предлог резолуцијата на Советот за безбедност на ОН за хемискиот напад во сириската провинција Идлиб, изјави рускиот заменик министер за надворешни работи Генадиј Гатилов.
Документот, кој е предложен од САД, Велика Британија и Франција, треба да биде разгледан денеска во Советот за безбедност.
– Ваков предлог е неприфатлив за нас и ние се разбира нема да гласаме за него. Ние ќе гласаме против, доколку нашите партнери не ги слушнат нашите повици и продолжат да настојуваат за овој проект со единствена цел да ја принудат Руската федерација за уште едно вето, истакна Гатилов.