Русија гради две воени бази на островите Итуруп и Кунашир, со што ќе се зголеми воената подготвеност на армијата на источната граница, изјави министерот за одбрана генерал Сергеј Шојгу.
Тој наведе дека ќе се изградат 392 објекти и касарни. Предвидено е да се употребат само современи типови на конструкции за брзо монтирање.
– Ќе бидат изградени гарнизони со развена инфраструктура – детски градинки, училишта, културни центри и хостели, посочи Шојгу.
Присуството на руската армија на Курилските Острови со население од 19.000 жители е чувствителна тема за Јапонија, која има претензии кон тој архипелаг, анектиран од СССР кон крајот на Втора светска војна по капитулацијата на јапонската армија.