Вакцинацијата против Ковид-19 во Русија ќе ја чини државата околу една милијарда евра, соопшти руското Министерство за финансии.
– Во следните 12 месеци ќе се соочиме со нови трошоци кои не се предвидени во буџетот, посебно со вакцинацијата на населението. Ресурсите за тоа се огромни, а трошоците би можеле да изнесуваат околу една милијарда евра. Се зависи како ќе се движи вакцинирањето и колку луѓе ќе бидат заинтересирани за имунизација. Се ќе биде бесплатно и на сметка на државата, изјави денеска министерот за финансии Антон Силуанов.
До крајот на годинава, на приоритетните групи граѓани ќе им бидат достани повеќе од еден милион дози од домашната вакцина „Спутник V“. Претседателот Владимир Путин претходно наложи да се организира масовно вакцинирање против Ковид-19 во целата земја, кое ќе започне во јануари.