Русија и Белорусија ги засилија заедничките воени вежби, потпирајќи се на искуството на Москва во борбите во Украина со акцент на урбаното војување, објави ТВ каналот на белоруското Министерство за одбрана.
Белоруското Министерство за одбрана во четвртокот објави дека Москва и Минск испратиле оружје, дополнителни војници и специјализирана опрема до заедничките воени групи во Белорусија и планираат да одржат заеднички воздушни вежби.
Зголемената воена соработка меѓу двата сојузници доаѓа во време на шпекулации во Украина и на Запад дека Москва би можела да ја искористи Белорусија како лансирна рампа за нов напад врз Украина од север.
Минск им дозволи на Русите да ја користат белоруската територија за испраќање војници во Украина на 24 февруари минатата година.
„Регионалните групи на руски и белоруски трупи тренираат речиси без престан“, објави каналот ВоенТВ.
„Интензитетот на вежбите само се зголемува, а нашата цел е да бидеме подготвени да му одговориме на агресорот на сите фронтови.
Беше речено и дека посебно внимание се посветува на обуката на војниците за урбана војна, како и користењето на руското искуство во борбите во Украина.