Руското Министерство за надворешни работи денеска го повика на консултации амбасадорот на Белгија во таа земја со цел да му ги предочи доказите дека белгиски воени авиони учествувале во воздушен напад на едно село во Сирија.
Претходно Белгија негираше дека учествувала во воздушниот напад на селото Хасаџек, на северот на Сирија, во близина на границата со Турција, при што во вторникот загинаа шест, а повредени се четири лица.
Портпаролот на руското Министерство за одбрана, генерал-мајор Игор Конашенков денеска изјави дека има „убедливи“ докази за белгиското учество во спорниот напад.
Тој белгиското негирање го нарече „залудно“ и ја обвини коалицијата, предводена од САД дека ја избегнува одговорноста за тој напад.