Мит Ромни синоќа ја прифати номинацијата на Републиканската партија да биде нејзин кандидат на претседателските избори во ноември.
Ромни во обраќањето пред националниот конгрес на партијата ги повика сограѓаните да му помогнат за обновување на американската економија и за создавање на милиони работни места.
Тој ги замоли гласаите да го надминат разочарувањето од власта на претседателот демократ Барак Обама и да се приклучат кон неговото обновување на САД.
Кандидатот на Републиканската парија нагласи дека САД имаат потреба од „работни места, од многу работни места“.