Мировниот план на САД за Украина всушност се базира на документ од 28 точки подготвен од Русија, дознава Ројтерс.
Ова е прва потврда дека рускиот документ бил клучен оригинален план, наречен мировен план на Трамп, кој Украина го отфрли.
Според извори на Ројтерс, Русија го испрати документот до високи американски претставници во октомври, откако американскиот претседател Доналд Трамп се сретна со украинскиот претседател Володимир Зеленски во Вашингтон.
„Неофицијалниот документ“ содржi одредби што Русија веќе ги предложи за време на преговорите, вклучувајќи отстапки што Украина ги отфрли, особено трансфер на голем дел од територијата на исток, пишува Ројтерс.
Белата куќа не коментираше директно за документот, но се повика на изјавите на американскиот претседател Доналд Трамп, кој изрази оптимизам за напредокот на мировниот план.
Сè уште не е јасно зошто американската администрација одлучи да го користи рускиот документ за формулирање на мировниот план.
Некои високи американски претставници, вклучувајќи го и државниот секретар Марко Рубио, верувале дека Украина веднаш ќе ги отфрли барањата на Москва, соопштија извори на Ројтерс.