Европската Унија размислува за постепено укинување на економските санкции против Сирија за да ја поддржи транзицијата на земјата, покажуваат документите видени од новинари на Ројтерс.
Се очекува министрите за надворешни работи на ЕУ да разговараат за суспензијата на некои санкции против Сирија за време на состанокот во Брисел на 27 јануари.
Европските престолнини почнаа да ја преиспитуваат својата политика кон Сирија, откако бунтовничките сили предводени од исламистичката група Хајат Тахрир ал-Шам го соборија претседателот Башар ал Асад.