Иранскиот претседател Хасан Рохани во своето телевизиско обраќање изјави дека говорот на Трамп во врска со нуклеарниот договор бил „полн со неосновани обвиненија против иранскиот народ, кој никогаш нема да потклекне пред надворешен притисок“.
Тој истакна дека Иран ќе продолжи да се придржува кон нуклеарниот договор, за кој нагласи дека е „многу посилен отколку што смета Трамп“.
– Тој (Трамп) сака да го модифицира нуклеарниот договор заедно со Конгресот. Но тоа нема да се случи, нагласи иранскиот претседател.