Ресторан во Ница денеска ги отвори вратите за гости и покрај државниот карантин кој е во сила поради пандемијата на Ковид-19. Ова е реакција на дел од граѓаните поради ограничувањата кои ги воведе француската влада, најавите се дека рестрикциите би можеле да бидат и построги во наредните денови.
Гостите го наполниле ресторанот. Полицијата го повикала сопственикот на разговор, но не го прекинала ручекот кој бил послужен, а не ги исфрлила ниту гостите.
Гостите извикувале „Слобода, слобода“ откако си заминала полицијата.
Рестораните и баровите во Франција се затворени од октомври минатата година. Жителите на Париз сведочат за слични вакви случки и во главниот град.