Речиси 100 приведени на забранетиот протест на „Конвојот на слободата“ во Париз

Од:

Париската полиција вчера приведе 97 лица на протестот на „Конвојот на слободата“ против ограничувањата на коронавирусот, што се одржа и покрај забраната од градските власти на поариз, јави ДПА.

Властите денеска на Твитер соопштија дека биле издадени и 513 предупредувања, што подлежат на парични казни.

Противниците на мерките во Франција за намалување на ширењето на коронавирусот повикаа на протест со возила. Тие се противат на построгите правила за лицата кои не се вакцинирани.

Демонстрантите во текот на неделата се собраа од неколку краеви на земјата. Собирот им е инспириран од протестите на камионџиите во Канада, каде што илјадници луѓе веќе две недели го нарушија редот и јавниот живот во главниот град Отова, пренесе ДПА.

Демонстрациите во Париз не добија дозвола од властите да продолжат со протестот.

Полицијата спречи стотици демонстранти да пристигнат на пристапните точки на периферијата на француската престолнина.

Би можело да ве интересира

Франција ги олеснува ограничувањата, маската повеќе не е задолжителна насекаде

ВИДЕО: Дел од конвојот демонстранти против вакцинацијата влезе во центарот на Париз, полицијата реагираше со солзавец

Франција воведува потврди за вакцинација, ќе важат во ресторани, кина, возови

Повеќе од половина милион здравствени пропусници денеска престануваат да важат во Франција

Во Франција 91.608 новозаразени со Ковид-19, најмногу за 24 часа од почетокот на пандемијата

Катерина Ѓуровски

Франција се откажа од Мерк, ќе го набавува лекот на Фајзер