Италијанскиот премиер Матео Ренци денеска изјави дека се исполнети сите услови за Грција и нејзините меѓународни кредитори да постигнат договор со кој ќе се стави крај на грчката должничка криза.
– Ќе биде грешка ако не се искористи овие можности, изјави Ренци на заедничка прес-конференција во Рим со францускиот претседател Франсоа Оланд.
Ренци нагласи дека утрешниот вонреден Самит на еврозоната во Луксембург би требало да резултира со позитивен исход.
Францускиот претседател Франсоа Оланд ја повика Европа да дејствува со соодветна одговорност и солидарност.