Комисијата за правда на Претставничкиот дом на САД синоќа ја одобри рефромата на програмата за следење на комуникациите од страна на американската Агенција за национална безбедност (НСА), што претставува прв важен чекор кон нејзино усвојување.
Комисијата едногласно го усвои предлог-текстот се кој се предвидува стопирање на систематското следење на телефонските податоци од страна на НСИ.
Во иднина за таква операција на НСА ќе и биде потребно одобрение од специјален суд, кој ќе биде формиран со задача да ја регулира работата на разузнавачките агенции.
Дури по судското одобрение НСА или која било друга агенција ќе може да бара од операторите да им достават податоци за телефонски разговори на осомничено лице за период од најмногу 180 дена.
Реформирте во работата на НСА беа покренати откако нејзиниот поранешен соработник Едвард Сноуден обелодени дека Агенцијата развила програма за масовно следење на комуникациите ширум целиот свет.