Реакции на експлозиите на Шри Ланка

Од:

Светските лидери жестоко ги осудија денешните експлозии во три цркви и три хотели на Шри Ланка, во кои според последните податоци загинаа најмалку 187 лица, а над 400 други се ранети.

Индискиот премиер Нарендра Моди оцени дека во регионот на јужна Азија „нема место за вакво варварство“.

– Индија изразува солидарност со народот на Шри Ланка. Моите мисли се со ужалените семејства, а моите молитви со повредените, објави Моди на Твитер.

Индиската министерка за надворешни работи Сушма Свараџ изјави дека е во постојан контакт со амбасадорот на Индија во Коломбо, нагласувајќи дека Амбасадата ќе им ја понуди сета можна помош на Индијците погодени од инцидентот.

Авганистанскиот претседател Ашраф Гани жестоко ги осуди експлозиите, нагласувајќи дека нападите врз верници се ужасна работа.

– Авганистан е солидарен со Шри Ланка на овој тажен ден, нагласи Гани.

Претседателот на Европската комисија, Жан-Клод Јункер изјави дека со „ужас и жалост“ ја примил веста за нападите на Шри Ланка.

Германскиот претседател Франк-Валтер Штајнмајер упати телеграма со сочувства до неговиот колега од Шри Ланка, Маитрипала Сирисена, истакнувајќи дека „вџашен од кукавичките терористички напади“.

Портпаролот на германската канцеларка Ангела Меркел, Штефан Зајберт нагласи дека Германија е „ужасната од веста дека христијани на Шри Ланка беа нападнати и убиени за време на велигденската миса“.

– Ги оплакуваме и се молиме за жртвите и за членовите на нивните семејства. Не смее да им се дозволи на тероризмот, верската омраза и нетолеранцијата да победат, објави Зајберт на Твитер.

Австрискиот претседател Александер ван дер Белен, канцеларот Себастијан Курц и шефицата на дипломатијата Карин Кнајсел ги осудија нападите на Шри Ланка, оценувајќи дека се работи за „стравотен варварски чин“.

– Длабоко сум потресен и загрижен поради подмолниот терористички напад врз повеќе цркви и хотели на Шри Ланка, објави Курц на Твитер, истакнувајќи дека екстремистите сакале „намерно да нападнат христијани на Велигден“.

Турскиот министер за надворешни работи Мевљут Чавушоглу оцени дека без разлика на мотивите, експлозиите се „кукавички, варварски и ладнокрвен чин“, исто како и нападите врз џамиите на Нов Зеланд минатиот месец.

– Тероризмот нема религија, нема нација, нема географија, напиша Чавушоглу на Твитер.

Американскиот претседател Доналд Трамп изрази сочувство до народот на Шри Ланка поради „ужасните терористички напади врз цркви и хотели“, истакнувајќи оти Вашингтон е подготвен да и помогне на азиската земја.

Трамп во Твитот погреши и напиша дека во нападите загинале најмалку 138 милиони луѓе, а подоцна се корегира и напиша „138 лица“.

Во Шри Ланка живеат 21 милион луѓе.

Претходно, и папата Франциско ги осуди „суровите напади“ на Шри Ланка.

Со тага и болка ја примив веста за смртоносните напади, кои денеска, на Велигден, донесоа жал и болка во црквите и на други места каде се собираа луѓе на Шри Ланка, истакна папата Франциско на Плоштадот Свети Петар.

Претседателот на Србија, Александар Вучиќ изрази сочувство до претседателот на Шри Ланка, Маитрипали Сирисени поради осумте напади во кои загинаа најмалку 207 луѓе, а повредени се над 400 лица.

– Примете го моето искрено сочувство по повод немилосрдните бомбашки напади во кои настрадаа многу луѓе. Длабоко жалиме што мета на нападот беа католички цркви и верници и тоа на Велигден, денот што треба да донесе мир и радост. Овие застрашувачки акти покажуваат дека тероризмот не почитува ништо што е свето, ниту човековите вредности, се наведува во писмото на Вучиќ до Сирисени.

Претходно, нападите на Шри Ланка ги осудија и индискиот премиер Нарендра Моди и шефицата на индиската дипломатија Сушма Свараџ, авганистанскиот претседател Ашраф Гани, претседателот на Европската комисија, Жан-Клод Јункер, германскиот претседател Франк-Валтер Штајнмајер, канцеларката Ангела Меркел, како и австрискиот претседател Александер ван дер Белен, канцеларот Себастијан Курц и шефицата на дипломатијата Карин Кнајсел, како и турскиот министер за надворешни работи Мевљут Чавушоглу.

Би можело да ве интересира

Шри Ланка вработи двајца џелати за претстојните смртни казни

Ана Ололовска

Шри Ланка по нападите на џамии воведе полициски час

Татјана Ташкова

Шри Ланка блокираше пристап до социјални мрежи по напади врз муслимани

Ана Ололовска

Сите осомничени за нападите на Шри Ланка или се уапсени или загинати, тврди полицијата

Ана Ололовска

Шри Ланка: Забрана за користење социјални мрежи поради шпекулации

Ана Ололовска

Во Шри Ланка екстрадирани околу 200 исламски свештеници

Ана Ололовска